Chi ùn sia fattu di guai

Résumé :

«Quantu anni t'avia babbitu?Vinia di fà 73 anni.- Hè da mori ch'è tù ùn sè più cuntorru in Corsica, o Andri ?- 9 o 10 anni, ùn la so più.- Infini cù mecu ùn ci sè statu mai.- ...- La sapia ch'edd'era à a malavia babbitu ?- No.- Da tè à babbu, chi hè successu ? Mi n'ai parlatu mai.- ... nienti da di. Laca corra. Cosi vechji. »***Intorn'à ssu « nienti da di », tutt'un rumanzu. Strintu, duru, da sdrughja lu cori. Un rumanzu com'e un spechju lucichenti in u bughju. In quissu ci si vedini formi, certi guasgi svaniti, altri più pricisi. Di più in più pricisi. U manu à manu po cumincià : i scelti, i neghi, i malfatti, i sbagli, tuttu cio chi si missi à roda, à torcia, à castigà u ziteddu, à sfracicallu, tuttu hè palisatu. Tuttu... a sucità, a pulitica, a famidda... a dibulezza di la ghjenti. I guai di a vita. Tuttu cio ch'ùn duvaria micca essa... mà chi, divintatu omu, un bel ghjornu, ci voli à dà di pettu.